பிரபஞ்சத்தின் ரகசியங்களை ஆராய 'ரோமன்' தொலைநோக்கியை விண்ணில் செலுத்தியது நாசா!

பிரபஞ்சத்தின் தோற்றம், இருண்ட ஆற்றல் மற்றும் இருண்ட பருப்பொருள் குறித்த ரகசியங்களை ஆராய்வதற்காக, அமெரிக்க விண்வெளி ஆராய்ச்சி நிறுவனமான நாசா,Nancy Grace Roman என்ற அதிநவீன விண்வெளித் தொலைநோக்கியை வெற்றிகரமாக விண்ணில் செலுத்தியுள்ளது.

நாசா அமைப்பினால் உருவாக்கப்பட்ட இந்த 'ரோமன்' விண்வெளித் தொலைநோக்கி, புளோரிடாவில் உள்ள கென்னடி விண்வெளி மையத்திலிருந்து SpaceX நிறுவனத்தின்(Falcon Heavy ஏவுகணை மூலம் ஆகஸ்ட் 30 ஆம் திகதி வெற்றிகரமாக விண்ணில் ஏவப்பட்டது.  

பிரபஞ்சத்தின் ஆரம்பகால விண்மீன் திரள்கள், கருந்துளைகள் மற்றும் புதிய கோள்களைக் கண்டறிவதுடன், பிரபஞ்சத்தின் விரிவாக்கத்திற்குக் காரணமான இருண்ட ஆற்றல் குறித்த பல புதிர்களை விடுவிப்பதே இந்த ஆய்வின் முக்கிய நோக்கமாகும்.

பிரபல Hubble தொலைநோக்கியை விட 100 மடங்கு அதிகமான பரப்பளவை ஒரே நேரத்தில் புகைப்படம் எடுக்கும் திறன் கொண்ட கேமராக்கள் இந்த ரோமன் தொலைநோக்கியில் பொருத்தப்பட்டுள்ளன.  

பூமியிலிருந்து சுமார் 15 லட்சம் கிலோமீட்டர் தொலைவில் உள்ள 'இரண்டாம் லாக்ராஞ்சியன் புள்ளி' (L2) என்ற சுற்றுப்பாதையை நோக்கிப் பயணிக்கும் இந்தத் தொலைநோக்கி, அடுத்த 5 ஆண்டுகளுக்கும் மேலாக பிரபஞ்சத்தின் ஆழமான பகுதிகளை ஆய்வு செய்து புகைப்படங்கள் மற்றும் தரவுகளை பூமிக்கு அனுப்பவுள்ளது.  

நாசாவின் இந்த புதிய மைல்கல் சாதனை, வானியல் மற்றும் பிரபஞ்ச ஆய்வில் மிகப்பெரிய புதிய தகவல்களை வெளிக்கொண்டு வரும் என விஞ்ஞானிகள் பெருமிதம் தெரிவித்துள்ளனர்.