நேபாள வெள்ளப்பெருக்கு: உயிரிழந்தோர் எண்ணிக்கை 760-ஐத் தாண்டியது!

நேபாளத்தின் பேரிடர் மேலாண்மை அமைச்சகம் வெளியிட்டுள்ள அண்மைத் தகவலின்படி, மீட்புக் குழுவினர் இதுவரை 762 சடலங்களை மீட்டுள்ளனர். மேலும், 2,700-க்கும் மேற்பட்டோரைக் காணவில்லை எனத் தெரிவிக்கப்பட்டுள்ளது. இதில் நூற்றுக்கணக்கான வெளிநாட்டுச் சுற்றுலாப் பயணிகளும் அடங்குவர்.

தொடர்மழை மற்றும் பனிப்பாறை சரிவு காரணமாக ஏற்பட்ட வெள்ளத்தால் வீடுகள், பாலங்கள் மற்றும் நீர்மின் திட்டங்கள் அடித்துச் செல்லப்பட்டு பெரும் சேதம் ஏற்பட்டுள்ளது. பாதிக்கப்பட்ட பகுதிகளில் ராணுவம் மற்றும் மீட்புக் குழுவினர் ஹெலிகாப்டர்கள் மூலம் மீட்புப் பணிகளை தீவிரமாக மேற்கொண்டு வருகின்றனர். 

மீட்கப்படும் சடலங்கள் அழுகும் நிலையை எட்டியுள்ளதால், பொதுமக்கள் சுகாதாரத்தைப் பேணும் பொருட்டு, உடல்களில் இருந்து DNA மாதிரிகளைச் சேகரித்து தற்காலிகமாக அடக்கம் செய்யும் பணிகளை நேபாள அரசு தொடங்கியுள்ளது. அத்துடன், உடல்களைப் பாதுகாப்பாக வைக்க சர்வதேச சமூகத்திடம் 1,000-க்கும் மேற்பட்ட Freezers பெட்டிகளை நேபாளம் உதவியாகக் கேட்டுள்ளது.

மீட்புப் பணிகள் தொடர்ந்து நடைபெற்று வருவதால், உயிரிழப்பு எண்ணிக்கை மேலும் உயரக்கூடும் என அஞ்சப்படுகிறது.