சென்னையில் புதிய ஏ.சி. மின்சாரப் பேருந்துகள் சேவை: முதலமைச்சர் விஜய் தொடங்கி வைத்தார்!

தலைநகர் சென்னையில் பொதுப் போக்குவரத்து சேவையை நவீனப்படுத்தும் நோக்கிலும், காற்று மாசுபாட்டைக் குறைக்கும் வகையிலும் புதிய தாழ்தளக் குளிர்சாதன மின்சாரப் பேருந்துகள் சேவையைத் தமிழ்நாடு முதலமைச்சர் விஜய் இன்று அதிகாரப்பூர்வமாகத் தொடங்கி வைத்தார்.

சென்னை தலைமைச் செயலக வளாகத்தில் நடைபெற்ற வண்ணமயமான விழாவில், புதிய மின்சாரப் பேருந்துகளின் இயக்கத்தைக் கொடியசைத்து முதலமைச்சர் தொடங்கி வைத்தார்.

பேருந்து சேவையைத் தொடங்கி வைத்த கையோடு, அதில் நேரில் ஏறிப் பயணித்த முதலமைச்சர் விஜய், பயணிகள் இருக்கை வசதிகள், குளிரூட்டும் வசதிகள் மற்றும் மாற்றுத்திறனாளிகளுக்கான வசதிகளைப் பார்வையிட்டு ஆய்வு செய்தார். பேருந்தின் ஓட்டுநர் மற்றும் நடத்துநரிடம் உரையாடி தனது வாழ்த்துகளையும் அவர் தெரிவித்தார்.