கனேடியப் பொருட்களுக்கு அமெரிக்கா புதிய வரி – வர்த்தகப் பேச்சுவார்த்தை முறிவு

இரு நாடுகளுக்கும் இடையிலான வர்த்தகப் பேச்சுவார்த்தைகளில் உடன்பாடு ஏற்படாததைத் தொடர்ந்து இந்த நடவடிக்கை எடுக்கப்பட்டுள்ளது.

சுமார் 20 பில்லியன் அமெரிக்க டொலர் மதிப்பிலான கனேடிய இறக்குமதிகளுக்கு 50 சதவீதம் வரை வரி விதிக்கப்படும் என அமெரிக்க ஜனாதிபதி டொனால்ட் டிரம்ப் எச்சரித்திருந்தார். இதற்குப் பதிலளிக்கும் வகையில், அமெரிக்கப் பொருட்களுக்கு பரஸ்பர வரி விதிக்கப்படும் என கனேடிய பிரதமர் மார்க் கார்னி தெரிவித்துள்ளார்.

ஜூலை மாதம் முதல் இரு நாடுகளுக்கும் இடையே வர்த்தகப் பேச்சுவார்த்தைகள் இடம்பெற்று வந்த நிலையில், கனடாவுடனான பேச்சுவார்த்தைகளை தற்காலிகமாக இடைநிறுத்துவதாகவும் பிரதமர் மார்க் கார்னி அறிவித்துள்ளார். அமெரிக்கா முன்வைத்துள்ள நிபந்தனைகள் நியாயமற்றவை என்றும், அவை எதிர்கால வர்த்தக ஒப்பந்தத்தின் நம்பகத்தன்மையை கேள்விக்குள்ளாக்குவதாகவும் கனடா தெரிவித்துள்ளது.