விமான நிலைய அதிகாரிகளுடன் பயணிகள் வாக்குவாதம்: ஓமன் ஏர் விமானிக்கு ஆதரவாகக் குரல்!

தொழில்நுட்பக் கோளாறு காரணமாக விமானம் தாமதமான நிலையில், விமானிக்கும் பாதுகாப்பு ஊழியர்களுக்கும் இடையே திடீரெனக் காரசாரமான விவாதம் ஏற்பட்டது. 

இதையடுத்து விமானியை அதிகாரிகள் அழைத்துச் செல்ல முயன்றபோது, அவர் மீது தவறில்லை எனக் கூறி பயணிகள் அனைவரும் ஒன்று திரண்டு அதிகாரிகளைச் சூழ்ந்து கொண்டு கோஷங்களை எழுப்பினர்.

பயணிகளின் தொடர் எதிர்ப்பைத் தொடர்ந்து, நிலைமை கட்டுக்குள் கொண்டுவரப்பட்டது. இந்தச் சம்பவத்தை விமானத்தில் இருந்த பயணிகள் சிலர் செல்போனில் படம் பிடித்துச் சமூக வலைதளங்களில் பதிவிட்ட நிலையில், அந்த வீடியோ தற்போது பெரும் அதிர்வலைகளை ஏற்படுத்தி வருகிறது.