அரசியல் நாகரிகமற்ற திமுக: "ஆபாசமும் அவதூறும் கோழைகளின் ஆயுதம்" – தவெக அதிரடி தாக்கு!

அரசியல் விமர்சனங்களை எதிர்கொள்ள முடியாமல், தனிநபர் தாக்குதல் மற்றும் ஆபாசப் பேச்சுகளில் ஈடுபடும் கோழைகளே இதுபோன்ற கீழ்த்தரமான ஆயுதங்களைக் கையில் எடுப்பதாகத் தவெக நிர்வாகிகள் மற்றும் அதன் தகவல் தொழில்நுட்பப் பிரிவு சுட்டிக்காட்டியுள்ளனர்.

பெண்ணியம் மற்றும் அரசியல் கண்ணியம் குறித்துப் பொதுமேடைகளில் பேசும் திமுக தலைவர்கள், நடைமுறையில் மேடைகளிலும் சமூக வலைதளங்களிலும் மாற்றுக்கருத்துடையோரை அவதூறாகவும் ஆபாசமாகவும் விமர்சித்து வருவதாகக் குற்றம் சாட்டப்பட்டுள்ளது. "கடமை, கண்ணியம், கட்டுப்பாடு எனக் கூறிக்கொண்டு, மேடைக்கு மேடை அசிங்கத்தையும் வன்மத்தையும் பரப்புவதே அவர்களின் பாணியாக மாறியுள்ளது" என்றும் தவெக சாடியுள்ளது.

நேரடி அரசியலில் நாகரிகமான முறையில் கொள்கை மோதல்களை எதிர்கொள்ளத் திராணியற்றவர்கள் மட்டுமே இதுபோன்ற அசிங்கமான அரசியலில் ஈடுபடுவார்கள் எனக் குறிப்பிட்டுள்ள தவெக, வரும் தேர்தலில் மக்கள் இதற்கெல்லாம் தகுந்த பாடம் புகட்டுவார்கள் என்று எச்சரித்துள்ளது.