பாம்பார்டியர் விமானங்கள் விற்பனைக்குத் தடை: டொனால்ட் டிரம்ப் அதிரடி எச்சரிக்கை!

கனடாவைச் சேர்ந்த பிரபல விமானத் தயாரிப்பு நிறுவனமான 'பாம்பார்டியர்' (Bombardier), அமெரிக்காவில் தனது விமானங்களை விற்பனை செய்வதற்கு அதிபர் டொனால்ட் டிரம்ப் கடும் கட்டுப்பாடு விதித்துள்ளார்.

அந்நிறுவனம் அமெரிக்க சந்தையில் தொடர்ந்து செயல்பட வேண்டுமானால், தனது உற்பத்தி மையங்களை அமெரிக்காவிலேயே அமைக்க வேண்டும் என அவர் திட்டவட்டமாகத் தெரிவித்துள்ளார்.

தமது 'ட்ரூத் சோஷியல்' (Truth Social) சமூக வலைத்தளப் பக்கத்தில் பதிவிட்டுள்ள டிரம்ப், கனடா நிறுவனம் அமெரிக்காவை ஒரு பணப்பெட்டியாகப் பயன்படுத்துவதை உடனடியாக நிறுத்த வேண்டும் எனக் குறிப்பிட்டுள்ளார்.

அமெரிக்கா மற்றும் கனடா இடையே வர்த்தக மோதல்கள் தீவிரமடைந்து வரும் நிலையில், டிரம்பின் இந்த அறிவிப்பு சர்வதேச விமானத் தயாரிப்புத் துறையில் பெரும் பரபரப்பை ஏற்படுத்தியுள்ளது.