ரஷ்யா - வடகொரியா இடையே முதல் சாலைப் பாலம் திறப்பு: இருதரப்பு உறவில் புதிய மைல்கல்!

ரஷ்யா மற்றும் வடகொரியா எல்லைப் பகுதியில் ஓடும் துமேன் (Tumen) ஆற்றின் குறுக்கே புதிதாகக் கட்டப்பட்ட முதலாவது வீதிப் பாலம் அதிகாரப்பூர்வமாகத் திறந்து வைக்கப்பட்டுள்ளது. ரஷ்யத் தலைநகர் மாஸ்கோ மற்றும் பியாங்யாங் இடையிலான மூலோபாயக் கூட்டாண்மையை மேலும் உறுதிப்படுத்தும் வகையில் இந்த நடவடிக்கை பார்க்கப்படுகிறது.

காணொளி வாயிலாக நடைபெற்ற இந்தத் திறப்பு விழாவில் ரஷ்யப் பிரதமர் மிகைல் மிஷுஸ்டின் (Mikhail Mishustin) மற்றும் வடகொரியப் பிரதமர் பாக் தே-சோங் (Pak Thae Song) ஆகியோர் பங்கேற்றனர். 1959-ஆம் ஆண்டு முதல் இயங்கி வரும் தொடர்வண்டிப் பாலத்திற்கு அருகே அமைக்கப்பட்டுள்ள இந்த புதிய சாலைப் பாலம், இருநாடுகளுக்கும் இடையிலான வர்த்தகம், பொருளாதாரம் மற்றும் சுற்றுலாத் துறைகளை கணிசமாக மேம்படுத்தும் எனக் எதிர்பார்க்கப்படுகிறது

2024-ஆம் ஆண்டு ரஷ்ய அதிபர் விளாடிமிர் புடின் மற்றும் வடகொரிய அதிபர் கிம் ஜோங் உன் இடையே எட்டப்பட்ட ஒப்பந்தத்தின் அடிப்படையில் தொடங்கப்பட்ட இந்தப் பாலத்தின் பணி, தற்போது வெற்றிகரமாக நிறைவடைந்து பயன்பாட்டிற்கு வந்துள்ளது.