கனடாவில் மாட்டிறைச்சி சமைத்த விவகாரம் – இந்திய வம்சாவளி பெண் கைது

வாடகைதாரர் வீட்டின் பின்புறத்தில் மாட்டிறைச்சியை பார்பிக்யூ கிரில்லில் சமைத்ததாகவும், இதனால் சுவரில் கறை படிவதாகக் கூறி ராஜ் திவானா அதைத் தடுத்ததாகவும் தெரிவிக்கப்பட்டுள்ளது.

இதையடுத்து இருவருக்கும் இடையே ஏற்பட்ட தகராறு முற்றிய நிலையில், ராஜ் திவானா உணவை மரக்கட்டையால் தட்டியதுடன், கல் வீசி தாக்கியதாக வாடகைதாரர் போலீசில் புகார் அளித்துள்ளார். மேலும், வீட்டின் பூட்டுகளை மாற்றியதோடு முன்பக்கக் கதவையும் அகற்றியதாகவும் அவர் குற்றம்சாட்டியுள்ளார்.

இதுகுறித்த வீடியோ ஆதாரங்களும் போலீசாரிடம் சமர்ப்பிக்கப்பட்டதாக கூறப்படுகிறது. புகாரின் அடிப்படையில் விசாரணை நடத்திய சர்ரே போலீசார் ராஜ் திவானாவை கைது செய்துள்ளனர்.

எனினும், இந்தச் சம்பவம் மாட்டிறைச்சி சமைத்தது தொடர்பான பிரச்சனை மட்டுமல்ல என்றும், வீட்டு உரிமையாளருக்கும் வாடகைதாரருக்கும் இடையே ஏற்கனவே நீடித்து வந்த தனிப்பட்ட தகராறே முக்கிய காரணம் என்றும் கனடா ஊடகங்கள் தெரிவிப்பதாக கூறப்படுகிறது.

வழக்கு தொடர்பான விசாரணை தொடர்ந்து நடைபெற்று வருகிறது.