சுவிட்சர்லாந்தில் பாலஸ்தீன ஆதரவுப் போராட்டம் அதிரடி முடக்கம்: கண்ணீர்ப்புகை, மிளகுத்தூள் பிரயோகம்!

சுவிட்சர்லாந்தின் Basel நகரில் அனுமதியின்றி நடத்தப்படவிருந்த பாலஸ்தீன ஆதரவுப் போராட்டத்தை சுவிஸ் காவற்துறையினர் அதிரடியாக முடக்கியுள்ளனர். கண்ணீர்ப்புகை மற்றும் மிளகுத்தூள் பிரயோகம் செய்து போராட்டக்காரர்கள் கலைக்கப்பட்டனர்.

சுவிட்சர்லாந்தின் Basel நகரில் அனுமதியின்றி நடத்தப்படவிருந்த பாலஸ்தீன ஆதரவுப் போராட்டத்தை சுவிஸ் காவற்துறையினர் அதிரடியாகத் தடுத்து நிறுத்தி முடக்கியுள்ளனர். போராட்டக்காரர்களைக் கலைக்க காவற்துறையினர் Pepper Spray செய்ததால் அப்பகுதியில் பெரும் பரபரப்பு ஏற்பட்டது.

Basel நகரின் மையப்பகுதியில் சனிக்கிழமை அன்று Death to Zionism என்ற முழக்கத்தின் கீழ் இந்த ஆர்ப்பாட்டத்திற்கு ஏற்பாடு செய்யப்பட்டிருந்தது. கடந்த 1897 ஆம் ஆண்டு பேசுல் நகரில் நடைபெற்ற First Zionist Congress நினைவு தினத்தை ஒட்டி இந்தத் துண்டுப் பிரசுரங்கள் விநியோகிக்கப்பட்டு, போராட்டம் திட்டமிடப்பட்டது."நாங்கள் இஸ்ரேலின் சியோனிசக் கொள்கையை மட்டுமல்ல, அதற்கு சுவிட்சர்லாந்து வழங்கும் ஆதரவையும் எதிர்க்கிறோம்" எனப் போராட்டக் குழுவினர் தங்களின் துண்டுப் பிரசுரங்களில் குறிப்பிட்டிருந்தனர்.

இருப்பினும், இந்த விசேட போராட்டத்திற்கு நகர நிர்வாகத்திடம் இருந்து முறையான அனுமதி பெறப்படவில்லை. இதன் காரணமாக, போராட்டம் அறிவிக்கப்பட்ட இடத்தைச் சுற்றி நூற்றுக்கணக்கான ஆயுதம் ஏந்திய காவற்துறையினர் குவிக்கப்பட்டு, அந்தப் பகுதி முழுமையாகப் பாதுகாப்பு வளையத்திற்குள் கொண்டு வரப்பட்டது.சுமார் 300க்கும் மேற்பட்ட பாலஸ்தீன ஆதரவாளர்கள் சிறு சிறு குழுக்களாகப் பாதுகாப்பு வளையத்திற்கு வெளியே திரண்டு போராட்டத்தை ஆரம்பிக்க முயன்றனர். அவர்களைப் கலைந்து செல்லுமாறு காவற்துறை எச்சரித்தது. எனினும், போராட்டக்காரர்களுக்கும் காவற்துறையினருக்கும் இடையே ஆங்காங்கே Cat-and-mouse பாணியில் மோதல்கள் வெடித்தன.

போராட்டக்காரர்கள் கலைந்து செல்ல மறுத்து காவற்துறை அரணை உடைக்க முயன்றதால், அதிகாரிகள் Pepper Spray செய்து கூட்டத்தை அதிரடியாகக் கலைத்தனர். மேலும், அனுமதியின்றி சட்டவிரோதமாகக் கூடியதாகக் கூறி பல போராட்டக்காரர்கள் அடையாளம் காணப்பட்டு, அவர்கள் மீது சட்ட நடவடிக்கை எடுக்கப்பட்டு வருவதாக பேசுல் நகரக் காவற்துறைப் பிரிவு அதிகாரப்பூர்வமாகத் தெரிவித்துள்ளது.அண்மைக்காலமாக அமைதியான நாடான சுவிட்சர்லாந்தின் பல்வேறு நகரங்களிலும் காசா விவகாரம் தொடர்பான போராட்டங்கள் அதிகரித்து வருவது குறிப்பிடத்தக்கது.