ராமராக இருந்து தந்தையான அருண் கோவில்: 'ராமாயணா' படத்தில் தசரதன் லுக் வெளியீடு!

இந்நிலையில், இப்படத்தில் அயோத்தியின் மன்னர் தசரதன் கதாபாத்திரத்தில் நடிக்கும் நடிகர் குறித்த அதிகாரப்பூர்வ போஸ்டரை படக்குழு வெளியிட்டுள்ளது.

இப்படத்தில் மன்னர் தசரதன் கதாபாத்திரத்தில் மூத்த நடிகர் அருண் கோவில் (Arun Govil) நடிக்கிறார். 1987-ம் ஆண்டு தூர்தர்ஷனில் ஒளிபரப்பாகி, இந்தியாவின் மூலை முடுக்கெல்லாம் காலத்தால் அழிக்க முடியாத வரலாற்றைப் படைத்த ராமானந்த் சாகரின் புகழ்பெற்ற 'ராமாயணம்' தொடரில் ராமராக நடித்து உலகளாவிய புகழைப் பெற்றவர் அருண் கோவில்.

அன்று கோடிக்கணக்கான மக்களின் மனங்களில் கடவுள் ராமராகவே வாழ்ந்த அவர், தற்போது அதே காவியத்தின் திரைப்படத் தழுவலில் ராமனின் தந்தையான தசரதன் கதாபாத்திரத்தில் களமிறங்குவது திரையுலகில் பெரும் நெகிழ்ச்சியையும் ஆச்சரியத்தையும் ஏற்படுத்தியுள்ளது. இந்த போஸ்டர் தற்போது சமூக வலைதளங்களில் வைரலாகி வருகிறது.