அரசு கணினிகளில் விண்டோஸ்OS நீக்கம்: லினக்ஸுக்கு மாற சீன அரசு உத்தரவு

தொழில்நுட்ப உலகில் அமெரிக்காவின் ஆதிக்கத்திற்கு முற்றுப்புள்ளி வைக்கும் வகையில் சீனா ஒரு மிகப்பெரிய முடிவை எடுத்துள்ளது. நாட்டின் அனைத்து அரசு அலுவலகக் கணினிகளிலிருந்தும் மைக்ரோசாஃப்ட் விண்டோஸ் (Windows) சிஸ்டத்தை தூக்கி எறிய உத்தரவிடப்பட்டுள்ளது.

அமெரிக்கா மற்றும் சீனா இடையேயான தொழில்நுட்பப் போர் நாளுக்கு நாள் தீவிரமடைந்து வருகிறது. இந்த நிலையில், நாட்டின் ரகசிய தரவுகள் மற்றும் தகவல்களின் பாதுகாப்பை உறுதிசெய்ய சீன அரசு இந்த அதிரடி நடவடிக்கையை எடுத்துள்ளது.

அரசு நிறுவனங்கள், உள்ளாட்சி அமைப்புகள் மற்றும் பொதுத்துறை நிறுவனங்களில் பயன்பாட்டில் உள்ள லட்சக்கணக்கான கணினிகளில் இருந்து அமெரிக்காவின் 'விண்டோஸ்' இயங்குதளம் உடனடியாக நீக்கப்பட உள்ளது. அதற்குப் பதிலாக, முற்றிலும் சீனாவிலேயே உருவாக்கப்பட்ட லினக்ஸ் (Linux) அடிப்படையிலான 'கைலின் ஓஎஸ்' (Kylin OS) மற்றும் 'யுனிட்டி ஓஎஸ்' (UOS) ஆகியவை நிறுவப்பட்டு வருகின்றன.

ஏற்கனவே அரசு ஊழியர்கள் ஐபோன் (iPhone) பயன்படுத்தத் தடை விதித்திருந்த சீனா, தற்போது கணினிகளிலும் அமெரிக்க மென்பொருட்களை முற்றிலுமாக நீக்கி வருகிறது. இதன் மூலம் தொழில்நுட்பத் துறையில் சீனா தன் சொந்தக் காலில் நிற்கத் தொடங்கிவிட்டதாக வல்லுநர்கள் கருத்து தெரிவித்துள்ளனர்.