கரும்பு விவசாயிகளுக்கு ரூ.603 கோடி சிறப்பு ஊக்கத்தொகை - தமிழக அரசு அதிரடி அரசாணை!

இந்தச் சிறப்பு ஊக்கத்தொகையின் மூலம், கரும்பு விவசாயிகளுக்குக் குறைந்தபட்ச விலையாக டன் ஒன்றுக்கு ரூ.4,000 கிடைப்பது முழுமையாக உறுதி செய்யப்பட்டுள்ளது.

அரவைப் பருவத்தில் சர்க்கரை ஆலைகளுக்குக் கரும்பு வழங்கிய தகுதியான விவசாயிகளின் வங்கிக் கணக்குகளுக்கு இந்த ஊக்கத்தொகை நேரடியாகச் செலுத்தப்படவுள்ளது.

உற்பத்திச் செலவு மற்றும் இடுபொருள் விலை உயர்வால் பாதிக்கப்பட்டுள்ள விவசாயிகளுக்கு இந்த நிதி உதவி பெரும் ஆறுதலாக அமையும் என எதிர்பார்க்கப்படுகிறது.  

விவசாயிகளின் வருவாயை உயர்த்தும் நோக்கில் தமிழக அரசு எடுத்துள்ள இந்த நடவடிக்கைக்கு விவசாய சங்கங்கள் மத்தியில் பாராட்டுக்கள் குவிந்து வருகின்றன.