சுவிட்சர்லாந்தில் கடும் வறட்சியால் காடுகளுக்கு அச்சுறுத்தல்

சூரிச் நகருக்கு அருகிலுள்ள ஆய்வு மையத்தில் பணியாற்றும் EPFZ பேராசிரியர் ஆண்ட்ரியாஸ் ரிக்லிங், காலநிலை மாற்றத்தால் ஏற்படும் கடும் வறட்சி, பீச் உள்ளிட்ட மரங்களின் உயிர்வாழ்வை பாதித்து வருவதாக தெரிவித்துள்ளார்.

பொதுவாக இலையுதிர் காலத்தில் இலைகளை உதிர்க்கும் பீச் மரங்கள், இந்த ஆண்டு ஆகஸ்ட் மாதத்திலேயே தங்களது உயிர்வாழ்வை பாதுகாக்கும் நடவடிக்கைகளில் இறங்கியுள்ளதாக அவர் கூறியுள்ளார். ஜூரா மலைப் பகுதியில், இலையுதிர் காலம் தொடங்குவதற்கு பல வாரங்களுக்கு முன்பே சில காடுகள் இலைகளை இழந்து வெறிச்சோடி காணப்படுவதாகவும் அவர் எச்சரித்துள்ளார்.

மத்திய அரசின் வறட்சி தரவுகளின்படி, 2018-ஆம் ஆண்டின் முழு ஆண்டில் பதிவான அளவைவிட அதிகமான கடும் வறட்சி வாரங்கள் ஏற்கனவே இந்த ஆண்டில் பதிவாகியுள்ளன. மேலும், வறண்ட காலநிலை வழக்கத்தைவிட சுமார் இரண்டு வாரங்கள் முன்னதாகவே தொடங்கியுள்ளதால், 2026-ஆம் ஆண்டு புதிய சாதனையை ஏற்படுத்தக்கூடும் என தெரிவிக்கப்பட்டுள்ளது.

இதன் தாக்கமாக, சுவிட்சர்லாந்தின் பீடபூமிப் பகுதிகளில் நீண்ட காலமாக ஆதிக்கம் செலுத்தி வந்த பீச் மற்றும் ஸ்ப்ரூஸ் மரங்களின் எண்ணிக்கை குறைந்து வருகிறது. அவற்றுக்குப் பதிலாக, ஓக் உள்ளிட்ட வறட்சியைத் தாங்கக்கூடிய மர இனங்கள் அதிகரித்து வருகின்றன.

காலநிலை மாற்றமும் அதிகரித்து வரும் வறட்சியும் சுவிட்சர்லாந்தின் வன அமைப்பையே மாற்றியமைத்து வருவதாக வன விஞ்ஞானிகள் எச்சரித்துள்ளனர்.