ஹொங்கொங் பங்குச்சந்தையில் காலடி வைத்தது 'ஷெயின்': முதல் நாளிலேயே பங்குகளின் விலை சரிவு!

உலகின் பிரபல முன்னணி ஆன்லைன் ஆடை விற்பனை நிறுவனமான Shein, நியூயார்க் மற்றும் லண்டன் பங்குச்சந்தைகளைத் தொடர்ந்து இன்று அதிகாரப்பூர்வமாக ஹொங்கொங் பங்குச்சந்தையில் பட்டியலிடப்பட்டுள்ளது (IPO). இருப்பினும், வர்த்தகம் தொடங்கிய முதல் நாளிலேயே அதன் ஆரம்பப் பங்குகள் சரிவைச் சந்தித்துள்ளன.

அமெரிக்கா மற்றும் பிரித்தானிய பங்குச்சந்தைகளில் நிலவிய பல்வேறு ஒழுங்குமுறை தொடர்பான கட்டுப்பாடுகள் மற்றும் வர்த்தக சவால்கள் காரணமாக, ஷெயின் நிறுவனம் தனது கவனத்தை ஆசிய பங்குச்சந்தையை நோக்கி திருப்பியது. இதன் அடிப்படையில் இன்று ஹொங்கொங் பங்குச்சந்தையில் வெற்றிகரமாக தடம் பதித்த போதிலும், முதலீட்டாளர்களின் எதிர்பார்ப்பை நிறைவு செய்யத் தவறியுள்ளது.

வர்த்தகம் தொடங்கிய சில நிமிடங்களிலேயே நிறுவனத்தின் பங்கு விலைகள் வீழ்ச்சியடையத் தொடங்கின.

உலகளாவிய ரீதியில் அதிகரித்து வரும் Supply chain சிக்கல்கள் மற்றும் சுற்றுச்சூழல் சார்ந்த விமர்சனங்கள் முதலீட்டாளர்களின் மத்தியில் தயக்கத்தை ஏற்படுத்தியுள்ளதாக சந்தை வல்லுநர்கள் தெரிவிக்கின்றனர்.

ஆசிய சந்தைகளில் தனது பிடியை வலுப்படுத்த ஷெயின் நிறுவனம் பல்வேறு திட்டங்களை அறிவித்துள்ள போதிலும், இன்றைய முதல் நாள் சரிவு பங்குச்சந்தை உலகில் பெரும் பரபரப்பை ஏற்படுத்தியுள்ளது.

சர்வதேச ஆடை சந்தையில் பெரும் ஆதிக்கம் செலுத்தி வரும் ஷெயின் நிறுவனத்தின் பங்குகள், வரும் நாட்களில் எவ்வாறு மீண்டெழப் போகின்றன என்பதை சர்வதேச நிதி நிறுவனங்கள் உற்றுநோக்கி வருகின்றன.