100 ஆண்டுகளுக்குப் பிறகு மீண்டும் அதிர்ச்சி:அமெரிக்காவுடனான எல்லைப் பாதுகாப்பை வலுப்படுத்த கனடா அதிரடி முடிவு

கடந்த 100 ஆண்டுகளில் இல்லாத வகையில், அண்டை நாடான அமெரிக்கா திடீரெனத் தன் நாட்டின் மீது ராணுவப் படையெடுப்பை மேற்கொண்டால் அதனை எவ்வாறு தடுத்து நிறுத்தித் தற்காத்துக் கொள்வது. என்பது குறித்த இரகசிய ராணுவ வரைபடங்களையும் உத்திகளையும் கனடா தயாரித்து வருவது உலகளவில் பெரும் அதிர்ச்சியை ஏற்படுத்தியுள்ளது.

உலகின் மிக நீளமான மற்றும் அமைதியான எல்லையைப் பகிர்ந்து கொள்ளும் அமெரிக்காவிற்கும் கனடாவிற்கும் இடையே வலுவான நட்புறவு நிலவி வருகிறது. எனினும், கடந்த 1920-களில் கனடா "டிஃபென்ஸ் ஸ்கீம் எண் 1" எனும் பெயரிலும், பதிலுக்கு அமெரிக்கா "வார் பிளான் ரெட்" எனும் பெயரிலும் பரஸ்பரம் போர்த் திட்டங்களை வகுத்திருந்தன. 

அதன் பிறகு சுமார் ஒரு நூற்றாண்டு காலம் கழித்து, மீண்டும் அமெரிக்காவின் சாத்தியமான எல்லை மீறல்கள் மற்றும் அச்சுறுத்தல்களை எதிர்கொள்ளும் வகையில் கனடா தனது பாதுகாப்பு உத்திகளைப் புதுப்பித்து வருகிறது.

மரபுசார்ந்த நேரடிப் போரில் அமெரிக்காவின் பிரமாண்ட ராணுவ பலத்தை எதிர்கொள்வது சாத்தியமற்றது என்பதால், கனடிய பாதுகாப்புப் படைகள் மாற்று உத்திகளில் கவனம் செலுத்தி வருகின்றன.

இது அமெரிக்காவிற்கு எதிரான நேரடிப் போருக்கான ஆயத்தப் பணி அல்ல என்றும், ஒரு பொறுப்பான நாட்டின் ராணுவமாக எந்தவொரு எதிர்பாராத சூழலையும் எதிர்கொள்ளத் தயார் நிலையில் இருப்பதற்காகவே இத்தகைய மூலோபாய வரைபடங்கள் தயார் செய்யப்படுவதாகவும் கனடா பாதுகாப்புத் துறை தரப்பில் தெரிவிக்கப்பட்டுள்ளது.

இருப்பினும், வட அமெரிக்கப் பிராந்தியத்தில் எப்போதும் நெருங்கிய நட்பு நாடாகக் கருதப்பட்ட அமெரிக்காவையே கனடா சந்தேகக் கண் கொண்டு பார்க்கத் தொடங்கியுள்ளது சர்வதேச அரசியல் ஆய்வாளர்களிடையே பெரும் பரபரப்பை ஏற்படுத்தியுள்ளது.