தென்னாப்பிரிக்காவில் அடுத்தடுத்து துப்பாக்கிச் சூடு: 27 பேர் உயிரிழப்பு!

நாட்டின் வெவ்வேறு பகுதிகளில் பொதுமக்கள் கூடும் இடங்களில் புகுந்த ஆயுதம் ஏந்திய மர்ம கும்பல், கண்மூடித்தனமாகத் துப்பாக்கிச் சூடு நடத்தியுள்ளது. இதில் படுகாயமடைந்த பலரை உடனடியாக மீட்டு அருகில் உள்ள மருத்துவமனைகளில் சேர்த்துள்ளனர். தீவிர சிகிச்சை அளிக்கப்பட்டு வரும் நிலையில், பலரின் நிலைமை கவலைக்கிடமாக இருப்பதால் பலி எண்ணிக்கை மேலும் உயரும் என அஞ்சப்படுகிறது.

சம்பவம் நடந்த இடங்களுக்கு விரைந்த காவல்துறையினர் பகுதிகளை முழுமையாகத் தங்கள் கட்டுப்பாட்டுக்குள் கொண்டுவந்து விசாரணையைத் தீவிரப்படுத்தியுள்ளனர். இது உள்ளூர் ரவுடி கும்பல்களுக்கு இடையே ஏற்பட்ட மோதலா அல்லது திட்டமிடப்பட்ட குற்றச்செயலா என்ற கோணத்தில் தீவிர விசாரணை முடுக்கி விடப்பட்டுள்ளது.

சமீபகாலமாக தென்னாப்பிரிக்காவில் இது போன்ற துப்பாக்கிச் சூடு சம்பவங்கள் அதிகரித்து வருவதால், குற்றவாளிகளைக் கண்டறிந்து கடுமையான நடவடிக்கை எடுக்க வேண்டும் எனப் பொதுமக்கள் மற்றும் மனித உரிமை அமைப்புகள் வலியுறுத்தி வருகின்றன.