பூந்தமல்லி - வடபழனி வழித்தடத்தில் அதிநவீன மெட்ரோ சேவை தொடக்கம்!

இந்த புதிய வழித்தடத்தில் இயக்கப்படவுள்ள 3 பெட்டிகள் கொண்ட அதிநவீன மெட்ரோ ரயில்களில் ஒரே நேரத்தில் சுமார் 900 பயணிகள் வரை சொகுசாகப் பயணிக்க முடியும். பயணிகள் கூட்ட நெரிசலைக் குறைக்கவும், விரைவான போக்குவரத்தை உறுதி செய்யவும் ஆரம்ப கட்டமாக 10 நிமிடங்களுக்கு ஒரு ரயில் வீதம் இயக்கப்படவுள்ளது.

பூந்தமல்லி, போரூர், வடபழனி உள்ளிட்ட முக்கியப் பகுதிகளை இணைக்கும் இந்த சேவை விரைவில் தொடங்கும் என எதிர்பார்க்கப்படுகிறது. இதனால் தகவல் தொழில்நுட்பப் பணியாளர்கள், கல்லூரி மாணவர்கள் மற்றும் பொதுமக்கள் பெருமளவில் பயனடைவார்கள் என்பதால் பெரும் வரவேற்பு எழுந்துள்ளது.