என்ன செய்தும் உடல் எடை குறையவில்லையா? உங்களுக்கே தெரியாமல் நீங்கள் செய்யும் தவறுகள் இதோ!

உடல் எடையைக் குறைக்க தீவிர முயற்சி செய்தும் எடை குறையாமல் அப்படியே இருக்கிறதா? உணவுக்கட்டுப்பாடு மற்றும் உடற்பயிற்சிகளைத் தாண்டி, நமது அன்றாட பழக்கவழக்கங்களில் நாம் செய்யும் சில சிறிய தவறுகளே எடை குறைப்பு முயற்சியைத் தடுப்பதாக மருத்துவ வல்லுநர்கள் சுட்டிக்காட்டுகின்றனர்.

போதிய தூக்கமின்மை: இரவில் சரியான தூக்கம் இல்லாதபோது உடலின் வளர்சிதை மாற்றம் மந்தமடைகிறது. இது கொழுப்பு கரையும் செயல்முறையைக் தாமதப்படுத்துகிறது.

அதிகமான மனஅழுத்தம்: மனஅழுத்தத்தின் போது சுரக்கும் 'கார்டிசோல்' என்ற ஹார்மோன், வயிற்றுப் பகுதியில் கொழுப்பு சேர்வதை ஊக்குவிக்கிறது.

குறைந்த நீர் அருந்துதல்: உடலுக்குத் தேவையான அளவு தண்ணீர் குடிக்காதபோது, நச்சுக்கள் வெளியேறுவது தடைபட்டு எடை குறைவது தாமதமாகும்.

தவிர்க்க வேண்டிய தவறுகள்:

கடுமையான பட்டினி உணவுக் கட்டுப்பாடு மேற்கொள்வது உடலின் கலோரி எாிக்கும் திறனைக் குறைத்துவிடும். மேலும், மறைமுகமாகச் சர்க்கரை மற்றும் கலோரிகள் நிறைந்த பதப்படுத்தப்பட்ட உணவுகளை உட்கொள்வதும் முக்கியக் காரணமாகும்.

தீர்வு என்ன?

தினமும் 7-8 மணிநேரச் சீரான தூக்கம், போதுமான நீர்ச்சத்து, புரதச்சத்து நிறைந்த உணவுகள் மற்றும் சீரான உடற்பயிற்சி ஆகியவற்றைத் தொடர்ச்சியாகப் பின்பற்றுவதே ஆரோக்கியமான முறையில் எடையைக் குறைப்பதற்கான சிறந்த வழியாகும்.