மாணவர் போராட்டம் : தடையுத்தரவு ரத்து: தவெக அரசின் அதிரடி உத்தரவு!

தமிழ்நாட்டில் மாணவர்கள் மற்றும் இளைஞர்கள் போராட்டத்தில் ஈடுபடுவதைத் தடுக்கும் வகையில் பிறப்பிக்கப்பட்ட சர்ச்சைக்குரிய சுற்றறிக்கையை தமிழ்நாடு அரசு உடனடியாக வாபஸ் பெற்றுள்ளது.

அரசியல் கட்சிகள் மற்றும் பல்வேறு தரப்பினரிடமிருந்து எழுந்த பலத்த எதிர்ப்பு மற்றும் விமர்சனங்களைத் தொடர்ந்து இந்த நடவடிக்கை எடுக்கப்பட்டுள்ளது.

கல்லூரி மாணவர்கள் மற்றும் இளைஞர்கள் போராட்டங்களில் பங்கேற்பதைத் தடுக்கும் வகையில் உயர்கல்வித் துறை மற்றும் கல்லூரி கல்வி இயக்ககம் சார்பில் சமீபத்தில் சுற்றறிக்கை ஒன்று அனுப்பப்பட்டது.

இதில் கல்லூரிகள் மற்றும் கல்வி நிறுவனங்களில் பயிலும் மாணவர்கள் போராட்டங்களில் ஈடுபடாமல் தடுக்குமாறும், இது தொடர்பாக எடுக்கப்பட்ட நடவடிக்கைகள் குறித்து ஆகஸ்ட் 20-க்குள் அறிக்கை சமர்ப்பிக்குமாறும் உத்தரவிடப்பட்டிருந்தது.

மாணவர்களின் ஜனநாயக உரிமையைப் பறிக்கும் வகையில் இந்த உத்தரவு அமைந்திருப்பதாக எதிர்க்கட்சிகள், மாணவர் அமைப்புகள் மற்றும் சமூக ஆர்வலர்கள் கடும் கண்டனம் தெரிவித்தனர்.

அதன்படி பொதுமக்களின் எதிர்ப்பு மற்றும் அரசியல் களத்தில் எழுந்த சர்ச்சையைத் தொடர்ந்து, கல்லூரி கல்வி இயக்ககம் இந்தச் சுற்றறிக்கையை அதிகாரப்பூர்வமாகத் திரும்பப் பெற்றுள்ளது.

மாணவர்களின் உரிமைகளைப் பாதுகாக்கும் வகையில் அரசு இந்த உத்தரவை வாபஸ் பெற்றுள்ளதை மாணவர் அமைப்புகள் வரவேற்றுள்ளன.