லூசெர்ன் சூர்சீயில் நகை திருடியதாக சந்தேகிக்கப்படும் தம்பதி கைது

ருமேனியாவைச் சேர்ந்த 28 வயது பெண்ணும், 30 வயது ஆணும் கைது செய்யப்பட்டதாக லூசெர்ன் காவல்துறை தெரிவித்துள்ளது.

சந்தேகிக்கப்படும் பெண், பாதிக்கப்பட்டவர்களிடம் சாக்குப்போக்குடன் பேசி, செயற்கை நகை ஒன்றை அவர்களின் கழுத்தில் அணிவித்துள்ளார். பின்னர் அவர்களை கட்டிப்பிடிக்கும் போது, அவர்களிடம் இருந்த மதிப்புமிக்க நகைகளை திருடியதாக தெரிவிக்கப்பட்டுள்ளது.

அடுத்த முறையும் இதேபோல் திருட முயன்றபோது, பணியில் இல்லாத காவல்துறை அதிகாரி ஒருவர் அவர்களை கவனித்து தடுத்து நிறுத்தியுள்ளார். பின்னர் காவல்துறை ரோந்துப் படையினர் இருவரையும் கைது செய்துள்ளனர்.

அறிமுகமில்லாதவர்கள் உரையாடலில் ஈடுபடுத்தும்போது கவனத்தை சிதறவிடாமல் எச்சரிக்கையாக இருக்குமாறு லூசெர்ன் காவல்துறை பொதுமக்களை அறிவுறுத்தியுள்ளது.