SWISS: 16-ஆம் நூற்றாண்டைச் சேர்ந்த எலும்புக்கூடுகள் கண்டுபிடிப்பு

ஸ்டெய்க் பள்ளி வளாகத்தில் நடைபெற்ற தொல்லியல் ஆய்வின்போது இந்த எலும்புக்கூடுகள் கண்டெடுக்கப்பட்டுள்ளன. வழக்கமான முறைக்கு மாறாக, உடல்களின் கால்களுக்கு இடையில் தலைகள் வைக்கப்பட்ட நிலையில் எலும்புக்கூடுகள் இருந்ததாக தெரிவிக்கப்பட்டுள்ளது.

அருகிலுள்ள ‘சாப்ஃபர்பிளாட்ஸ்’ என்ற இடத்தில் வாளால் தலை துண்டிக்கப்பட்டிருக்கலாம் என்பதற்கான சிறிய வெட்டுக்காயங்கள் கழுத்து எலும்புகளில் காணப்பட்டுள்ளதாக சாஃப்ஹவுசன் மாகாண தொல்லியல் துறை தெரிவித்துள்ளது. சவப்பெட்டி அல்லது உடைகள் இல்லாமல், உடல்கள் கவனக்குறைவாக குழிக்குள் போடப்பட்டு புதைக்கப்பட்டிருந்ததாகவும் தெரிவிக்கப்பட்டுள்ளது.

இதுவரை ஆய்வு செய்யப்பட்ட எலும்புக்கூடுகளில் ஐந்து, 16 முதல் 20 வயதுக்குட்பட்ட இளம் வயதினருடையவை என தெரியவந்துள்ளது. இந்த எலும்புகள் மேலும் அறிவியல் ஆய்வுகளுக்காக பாதுகாக்கப்பட உள்ளன.

16-ஆம் நூற்றாண்டு முதல் ‘சாப்ஃபர்பிளாட்ஸ்’ மரண தண்டனை நிறைவேற்றும் இடமாக பயன்படுத்தப்பட்டதாகவும், கொலை, திருட்டு உள்ளிட்ட குற்றங்களுக்கு தண்டனை பெற்றவர்களின் தலைகள் அங்கு பொதுமக்கள் முன்னிலையில் துண்டிக்கப்பட்டதாகவும் வரலாற்று பதிவுகள் தெரிவிக்கின்றன.

சிறுநோயாளிகளுக்காக 13-ஆம் நூற்றாண்டில் நகர சுவர்களுக்கு வெளியே அமைக்கப்பட்டிருந்த மருத்துவமனை மற்றும் கல்லறைப் பகுதியில் கடந்த ஓராண்டாக நடைபெறும் அகழாய்வில், இதுவரை சுமார் ஆயிரம் பேரின் புதைவிடங்கள் கண்டறியப்பட்டுள்ளன.