வாரத்திற்கு 35 மணி நேர வேலைத் திட்டத்திற்கான முன்னோடி முயற்சியைத் தொடங்குகிறது சுவிஸ் மாநகரம்!

சூரிச் நகர அரசு, தேர்வுசெய்யப்பட்ட ஊழியர்களுக்கு வாராந்திர வேலை நேரத்தை தற்போதைய 42 மணி நேரத்திலிருந்து 35 மணி நேரமாகக் குறைக்கும் ஒரு வருட முன்னோடித் திட்டத்திற்கான சட்டக் கட்டமைப்பிற்கு ஒப்புதல் அளித்துள்ளது.

மாதச் சம்பளத்தில் எந்தவிதக் குறைப்பும் இன்றி செயல்படுத்தப்படவுள்ள இந்தத் திட்டத்தில் , காவலர் Police) பொதுப் போக்குவரத்துப் பணியாளர்கள் (Public Transport Staff) சுகாதாரப் பராமரிப்புப் பணியாளர்கள் (Carers) போன்ற 24 மணி நேர சுழற்சி முறையில் பணியாற்றும் ஊழியர்கள் சேர்க்கப்படவுள்ளனர். 

பணியாளர்களின் மன அழுத்தத்தைக் குறைத்து, பணிச் சூழலை மேம்படுத்துவதை நோக்கமாக்கக் கொண்ட இத்திட்டம், நகராட்சிப் பணிகளின் திறனைப் பாதிக்காமல் எவ்வாறு செயல்படுகிறது என்பது ஒரு வருட காலத்திற்கு தீவிரமாகக் கண்காணிக்கப்படவுள்ளது. 

தொழிலாளர்களின் நலன் கருதி இடதுசாரி அரசியல் கட்சிகளால் முன்வைக்கப்பட்ட இந்த முயற்சி, சுவிட்சர்லாந்தின் வழக்கமான வேலை நேரக் கொள்கைகளில் ஒரு முக்கிய மாற்றமாகப் பார்க்கப்படுகிறது.