நிகரகுவாவில் வெள்ளத்தில் சிக்கி சுவிஸ் இளம்பெண் உயிரிழப்பு

வடமேற்கு நிகரகுவாவின் சினாண்டேகா மாகாணத்தில் அதிகாலை இந்தச் சம்பவம் நிகழ்ந்ததாக, அந்நாட்டின் இணை ஜனாதிபதி ரொசாரியோ முரில்லோ தெரிவித்துள்ளார்.

கனமழையால் ஆற்றில் வெள்ளப்பெருக்கு ஏற்பட்ட நிலையில், பிக்கப் வாகனத்தில் ஆற்றைக் கடக்க முயன்றபோது, அந்த வாகனம் வெள்ளத்தில் அடித்துச் செல்லப்பட்டுள்ளது. இதில் 19 வயது சுவிஸ் இளம்பெண், 24 வயது பிரெஞ்சுப் பெண் மற்றும் 19 வயது நிகரகுவா நாட்டுப் பெண் ஆகியோர் உயிரிழந்துள்ளனர்.

இந்தச் சம்பவம் குறித்து சுவிஸ் வெளியுறவு அமைச்சகம் தகவலை உறுதிப்படுத்தவில்லை என தெரிவிக்கப்பட்டுள்ளது. மழைக்காலத்தில் வானிலை எச்சரிக்கைகளைப் பின்பற்றுமாறும், சுற்றுலாப் பயணிகளின் பாதுகாப்பு நடவடிக்கைகளை வலுப்படுத்த உள்ளதாகவும் நிகரகுவா அரசு தெரிவித்துள்ளது.