சுவிட்சர்லாந்தில் 2032 முதல் தம்பதிகளுக்குத் தனிநபர் வரி முறை அமுல்: கூட்டாட்சி அரசு அதிகாரப்பூர்வ அறிவிப்பு!

சுவிட்சர்லாந்தில் திருமணமான தம்பதிகளுக்கான புதிய தனிநபர் வரி முறை (Individual Taxation) 2032-ஆம் ஆண்டு ஜனவரி 1 முதல் அதிகாரப்பூர்வமாக நடைமுறைக்கு வரவுள்ளதாக தெரிவிக்கப்பட்டுள்ளது.

சுவிட்சர்லாந்தில் இதுவரை நடைமுறையிலிருந்த கூட்டு வரி விதிப்பு முறைக்கு (Joint Taxation) மாற்றாக, தனிநபர் வரி முறையைக் கொண்டுவரும் திட்டத்திற்கு சுவிஸ் மக்கள் கடந்த மார்ச் மாதம் வாக்களித்து ஒப்புதல் அளித்தனர். 

இந்நிலையில், கூட்டாட்சி அரசு (Federal Council) இப்புதிய சீர்திருத்தத்தை சட்டப்படி அமல்படுத்தக்கூடிய கடைசி சாத்தியமான தேதியான 2032 ஜனவரி 1 அன்று நடைமுறைப்படுத்த தீர்மானித்துள்ளது.