இலையுதிர் கால சாலை விபத்துகளைத் தவிர்க்க TCS எச்சரிக்கை!

முதல் பனிப்பொழிவுக்காகக் காத்திருக்காமல், அக்டோபர் மாதத்திலேயே குளிர்கால டயர்களைப் பொருத்துமாறு அறிவுறுத்தப்பட்டுள்ளது. டயர்களில் குறைந்தபட்சம் நான்கு மில்லிமீட்டர் அளவுக்கு டிரெட் எனப்படும் பள்ளங்கள் இருக்க வேண்டும் என்றும் தெரிவிக்கப்பட்டுள்ளது.

இரவு நேரங்களில் பாதசாரிகள், சைக்கிள் மற்றும் மின்சார ஸ்கூட்டர் பயன்படுத்துவோரை அடையாளம் காண்பது கடினமாகிறது. இருண்ட நிற ஆடைகளை அணிந்திருப்பவர்கள் 25 மீட்டர் தொலைவில் மட்டுமே தென்படுவார்கள். ஆனால், ஒளியைப் பிரதிபலிக்கும் ஆடைகளை அணிந்திருந்தால் 140 மீட்டர் தொலைவிலிருந்தே அவர்களைக் காண முடியும்.

மேலும், காடுகளுக்கு அருகே அதிகாலை மற்றும் மாலை நேரங்களில் வனவிலங்குகள் சாலையைக் கடக்கக்கூடும் என்பதால், வாகனங்களின் வேகத்தைக் குறைக்க வேண்டும். விலங்குகள் குறுக்கே வந்தால் திடீரென வாகனத்தைத் திருப்புவதைத் தவிர்க்க வேண்டும். மூடுபனி மற்றும் கனமழையின்போது தெளிவான கண்ணாடி, முறையாகச் செயல்படும் வைப்பர்கள் மற்றும் குறைந்த ஒளி முகப்பு விளக்குகள் பாதுகாப்பான பயணத்திற்கு உதவும் என TCS அறிவுறுத்தியுள்ளது.