ஹார்முஸ் கடற்பகுதியில் பதற்றம்: சர்வதேச சந்தையில் கச்சா எண்ணெய் விலை உயர்வு!

ஓமனின் ஹார்முஸ் நீர்சந்தியில் அமெரிக்கா மற்றும் ஈரான் கடற்படைகளுக்கு இடையே ஏற்பட்ட திடீர் மோதல் மற்றும் துப்பாக்கிச் சூடு சம்பவம், உலகளவில் பெரும் பரபரப்பை ஏற்படுத்தியுள்ளது. இந்த ராணுவ பதற்றத்தைத் தொடர்ந்து, சர்வதேசச் சந்தையில் கச்சா எண்ணெயின் விலை அதிரடியாக உயர்ந்துள்ளது.

உலகளாவிய எண்ணெய் போக்குவரத்தில் மிக முக்கியமான கடல் வழியான ஹார்முஸ் நீர்சந்தியில் ரோந்துப் பணியில் ஈடுபட்டிருந்த இரு நாட்டுப் படைகளுக்கும் இடையே எல்லைப் பிரச்சனை காரணமாக மோதல் வெடித்துத் துப்பாக்கிச் சூடு நடத்தப்பட்டுள்ளது.

இந்த மோதல் செய்தி வெளியான சில மணி நேரங்களிலேயே, சர்வதேசச் சந்தையில் Brent Crude வகை கச்சா எண்ணெயின் விலை பேரலுக்கு கணிசமாக உயர்ந்துள்ளது.

மோதல் காரணமாக அப்பகுதியில் கப்பல் போக்குவரத்து பாதிக்கப்படும் என்ற அச்சம் ஏற்பட்டுள்ளதால், உலகளாவிய விநியோகச் சங்கிலியில் தடங்கல் ஏற்படும் அபாயம் உருவாகியுள்ளது.

உலகளவில் கடல்பழியாக நடைபெறும் கச்சா எண்ணெய் போக்குவரத்தில் சுமார் 20 சதவீதத்திற்கும் அதிகமான எண்ணெய் இந்த ஹார்முஸ் நீர்சந்தி வழியாகவே கொண்டு செல்லப்படுகிறது.

இங்கு ஏற்படும் சிறு பதற்றமும் உலக நாடுகளின் எரிபொருள் விலையில் பெரும் தாக்கத்தை ஏற்படுத்தும் என்பதால், இந்த மோதல் தொடர்ந்தால் பெட்ரோல், டீசல் விலைகள் மேலும் அதிகரிக்கும் என உலக பொருளாதார வல்லுநர்கள் எச்சரித்துள்ளனர். நிலைமையை சீராக்க சர்வதேச நாடுகள் தீவிர முயற்சியில் ஈடுபட்டு வருகின்றன.