வறட்சி நிதியுதவி திட்டமாக 7 கோடி சுவிஸ் ஃப்ராங்க் அறிவித்தது அரசு!

சுவிட்சர்லாந்தில் தொடர்ந்து நிலவி வரும் தீவிர வெப்ப அலை மற்றும் கடுமையான வறட்சியை எதிர்கொள்ள சுவிஸ் கூட்டாட்சி கவுன்சில் ஒரு சிறப்பு அவசர நிதியுதவி தொகுப்பை அறிவித்துள்ளது.

சுமார் 70 மில்லியன் சுவிஸ் ஃப்ராங்க் மதிப்புள்ள இந்த அவசர நிதி, பருவநிலை மாற்றத்தால் பாதிக்கப்பட்டுள்ள காடுகளைப் பாதுகாக்கவும், கடுமையான வறட்சியால் பாதிக்கப்பட்டுள்ள விவசாயிகளுக்கு வட்டி இல்லா கடன்கள் மற்றும் நிதியுதவிகள் வழங்கவும் உடனடியாகப் பயன்படுத்தப்படும்.  

சுவிஸ் வரலாற்றில் இல்லாத அளவுக்கு நதிகளின் நீர்மட்டம் குறைந்து, நிலத்தடி நீர் வற்றிப்போயுள்ள சூழலில், வரும் அக்டோபர் மாதத்திற்குள் நிலமையை மீண்டும் முழுமையாக மதிப்பீடு செய்து கூடுதலான பாதுகாப்பு நடவடிக்கைகளை எடுக்க உள்ளதாக சுவிஸ் அரசு தெரிவித்துள்ளது.