விண்வெளியில் அதிகரிக்கும் ஆயுதக் குவிப்பு: அமெரிக்காவின் அதிரடி முயற்சியால் பரபரப்பு!

எதிரி நாடுகளின் செயற்கைகோள்களை செயலிழக்கச் செய்யும் ‘லேசர் ஆயுதங்கள்’, விண்வெளியிலேயே எதிரி இலக்குகளைத் தாக்கி அழிக்கும் நுண்-செயற்கைகோள்கள் மற்றும் செயற்கைகோள் எதிர்ப்பு ஏவுகணைகள் (ASAT) போன்றவற்றை அமெரிக்கா மேம்படுத்தி வருகிறது.

அமெரிக்காவின் ‘விண்வெளிப் படை’ உருவாக்கப்பட்டு சில ஆண்டுகளே ஆன நிலையில், அதற்கு அதிக அளவிலான நிதியை அந்நாட்டு அரசு ஒதுக்கியுள்ளது. அமெரிக்காவின் தகவல் தொடர்பு, GPS மற்றும் இராணுவ கண்காணிப்பு செயற்கைகோள்களைப் பாதுகாப்பதே இதற்குக் காரணம் எனக் கூறப்பட்டாலும், அமெரிக்காவின் இந்த நடவடிக்கை சர்வதேச அளவில் பெரும் கவலையை ஏற்படுத்தியுள்ளது.

விண்வெளியை ஆயுதமயமாக்குவது உலக அமைதிக்கு மிகப்பெரிய அச்சுறுத்தல் எனப் சர்வதேச வல்லுநர்கள் எச்சரிக்கின்றனர். அமெரிக்காவின் இந்த நடவடிக்கையைத் தொடர்ந்து சீனா, ரஷ்யா போன்ற வல்லரசு நாடுகளும் தங்களது விண்வெளி ஆயுதக் குவிப்பை அதிகரிக்கும் என்பதால், பூமிக்கு வெளியே ஒரு பிரம்மாண்ட ‘விண்வெளிப் போர்’ தொடங்கும் அபாயம் உருவாகியுள்ளது.