சுவிட்சர்லாந்தில் சோகம்: Uri மாகாணத்தில் மலையேற்றத்தின் போது இருவர் பரிதாப பலி!

சுவிட்சர்லாந்தின் மத்தியப் பகுதியில் அமைந்துள்ள உறி மாகாணம், Göschenen மற்றும் Sustenhorn மலைப்பகுதிகளில் வழக்கம்போல மலையேற்றப் பயண மேற்கொண்ட இரண்டு பயணிகள் எதிர்பாராதவிதமாக விபத்தில் சிக்கினர்.அவர்கள் குறித்த எந்தத் தகவலும் கிடைக்காமல் போகவே, கடந்த ஞாயிற்றுக்கிழமை மதியம் அவசர கால மீட்புப் பிரிவினருக்குத் தகவல் தெரிவிக்கப்பட்டது.

இதனைத் தொடர்ந்து, உறி மாகாணக் காவல்துறையினர், சுவிஸ் அல்பைன் மீட்புப் பணிக்குழு (Swiss Alpine Rescue) மற்றும் ரெகா (Rega) அவசர ஹெலிகாப்டர் சேவையினர் இணைந்து உடனடியாகப் பெரிய அளவிலான தேடுதல் வேட்டையில் இறங்கினர். 

 மோசமான வானிலை மற்றும் கடுமையான பனிமூட்டம் காரணமாகத் தேடுதல் பணியில் தொய்வு ஏற்பட்ட போதிலும், தீவிர தேடுதலுக்குப் பிறகு அந்தப் பகுதியில் உயிரிழந்த நிலையில் இருவரது உடல்களும் கண்டெடுக்கப்பட்டதாகக் காவல்துறையினர் உறுதிப்படுத்தியுள்ளனர்.