இங்கிலாந்து நாணயத்தாள்களில் இனி வனவிலங்குகள்: வெளியான முக்கிய அறிவிப்பு!

இனி அந்நாட்டின் கரன்சி நோட்டுகளில் வரலாற்றுப் பிரபலங்களுக்குப் பதிலாக வனவிலங்குகள் இடம்பெற உள்ளதாக இங்கிலாந்து வங்கி அதிகாரப்பூர்வமாக அறிவித்துள்ளது.  

புதிய நோட்டுகளில் இடம்பெறும் விலங்குகளைத் தேர்வு செய்வதற்காக இங்கிலாந்து வங்கி நடத்திய பொது மக்கள் கருத்துக் கணிப்பில் சுமார் 5 லட்சத்திற்கும் அதிகமானோர் கலந்துகொண்டு வாக்களித்துள்ளனர். கரன்சி வடிவமைப்பு வரலாற்றில் இவ்வளவு அதிகமான மக்கள் பங்கேற்றது இதுவே முதல்முறை. 

தேர்வு செய்யப்பட்ட 4 விலங்குகள்:

மக்களின் அதிகப்படியான ஆதரவு மற்றும் வனவிலங்கு நிபுணர்களின் பரிந்துரைப்படி, கீழ்க்கண்ட நான்கு விலங்குகள் அடுத்தடுத்த நோட்டுகளின் மையப் படங்களில் இடம்பெறுகின்றன:  ஐரோப்பியhedgehog (European Hedgehog)  

 பார்ன் அவுல் (Barn Owl - ஒருவகை ஆந்தை)  

அட்லாண்டிக் பஃபின் (Atlantic Puffin - கடல் பறவை)  

 பஃப்-டெயில்ட் பம்பல்பீ (Buff-tailed Bumblebee - ஒருவகை தேனீ)   கடந்த 1970-ஆம் ஆண்டு முதல் இங்கிலாந்து நாணயத்தாள்களில் வின்ஸ்டன் சர்ச்சில், ஜேன் ஆஸ்டின், ஆலன் ட்யூரி போன்ற நாட்டின் வரலாற்றுச் சிறப்புமிக்க மனிதர்களின் உருவங்களே அச்சிடப்பட்டு வந்தன.

 தற்போது அந்த மரபு மாற்றப்பட்டு, நாட்டின் இயற்கை வளங்களையும் வனவிலங்குகளையும் போற்றும் வகையில் இந்த புதிய திட்டம் அறிவிக்கப்பட்டுள்ளது.மேலும், இந்த புதிய நாணயத்தாள்களிலும் மன்னரின் உருவப்படம் தொடர்ந்து இடம்பெறும் என்றும், கள்ளநோட்டுகளைத் தடுத்து பாதுகாப்பை பலப்படுத்தும் நோக்கில் அதிநவீன தொழில்நுட்பங்களுடன் இந்த புதிய டிசைன்கள் உருவாக்கப்பட்டு வருவதாகவும் வங்கி நிர்வாகம் தெரிவித்துள்ளது.