மறைமுகமாகச் செயல்பட்ட பான் மசாலா தயாரிப்பு நிறுவனம்: ரூ.160 கோடி வரி ஏய்ப்பு அம்பலம் - முதன்மை நபா்கள் கைது!

கணக்கில் காட்டப்படாமல் மறைமுகமாகச் செயல்பட்டு வந்த பான் மசாலா உற்பத்தி நிறுவனத்தைக் ஜிஎஸ்டி புலனாய்வுத் துறையினர் அதிரடியாகக் கண்டுபிடித்து, ரூ.160 கோடி மதிப்பிலான பிரம்மாண்ட வரி ஏய்ப்பை அம்பலப்படுத்தியுள்ளனர். அதுகுறித்த தகவல்கள் தற்போது வெளியாகியுள்ளன.

சரக்கு மற்றும் சேவை வரி நுண்ணறிவு இயக்குநரகம் (DGGI) மேற்கொண்ட தீவிர கண்காணிப்பு நடவடிக்கையின் முடிவில், சட்டவிரோதமாகப் பான் மசாலா உற்பத்தி செய்து வந்த ரகசிய ஆலை ஒன்று கண்டறியப்பட்டுள்ளது.

எவ்வித முறைப்படியான ஆவணங்களும் இன்றி, ரகசியமான முறையில் பான் மசாலா தயாரித்துச் சந்தையில் விநியோகித்து வந்தது சோதனையில் உறுதியானது.

மூலப்பொருட்களின் வாங்குதல், உற்பத்தி அளவு மற்றும் விற்பனைப் பதிவேடுகளை மறைத்து, ரூ.160 கோடிக்கும் அதிகமான தொகையை வரி ஏய்ப்பு செய்திருப்பது அம்பலமாகியுள்ளது.

சோதனையின் போது, சட்டவிரோத உற்பத்திக்கு பயன்படுத்தப்பட்ட இயந்திரங்கள், பல கோடி ரூபாய் மதிப்பிலான பான் மசாலா பாக்கெட்டுகள் மற்றும் கணக்கில் வராத ரொக்கப் பணம் பறிமுதல் செய்யப்பட்டுள்ளன.

இந்தச் சட்டவிரோதச் செயலில் ஈடுபட்ட முதன்மை நபா்கள் கைது செய்யப்பட்டுள்ளதோடு, இதனுடன் தொடர்புடைய பிற நபர்கள் குறித்தும் ஜிஎஸ்டி அதிகாரிகள் தீவிர விசாரணை மேற்கொண்டு வருகின்றனர்.