பாலிவுட் மூத்த இயக்குநர் குகு கோலி மாரடைப்பால் காலமானார்: திரையுலகினர் அஞ்சலி.

பாலிவுட் திரையுலகின் பிரபல இயக்குநரும், நடிகர் அஜய் தேவ்கனை திரையுலகிற்கு அறிமுகப்படுத்தியவருமான Kuku Kohli மாரடைப்பால் காலமானார். அவருக்கு வயது 77. அவரது மறைவுக்குத் திரையுலக பிரபலங்கள் பலரும் இரங்கல் தெரிவித்து வருகின்றனர்.

மும்பையில் வசித்து வந்த பிரபல பாலிவுட் இயக்குநர் குகு கோலிக்கு திடீரென ஏற்பட்ட உடல்நலக் குறைவு காரணமாக மருத்துவமனையில் அனுமதிக்கப்பட்டிருந்த நிலையில், நேற்று மாலை அவருக்குக் கடுமையான மாரடைப்பு ஏற்பட்டு சிகிச்சை பலனின்றி உயிரிழந்தார்.

1991-ஆம் ஆண்டு அஜய் தேவ்கன் நடிப்பில் வெளியாகி மாபெரும் வெற்றி பெற்ற Phool Aur Kaante திரைப்படத்தின் மூலம் இயக்குநராக அறிமுகமானவர் குகு கோலி. தொடர்ந்து Suhaag, Haqeeqat, Anari No.1உள்ளிட்ட பல வெற்றிப் படங்களை இயக்கி பாலிவுட்டில் முத்திரை பதித்தவர்.

பிரபல மூத்த நடிகை அருணா இரானியின் கணவரான குகு கோலியின் இறுதிச் சடங்குகள் மும்பையில் நடைபெற்றன. அவரது மறைவுச் செய்தியைக் கேட்டு அதிர்ச்சியடைந்த இந்தி திரையுலகைச் சேர்ந்த பிரபல நடிகர்கள் மற்றும் இயக்குநர்கள் நேரில் அஞ்சலி செலுத்தி, குடும்பத்தினருக்குத் தங்கள் ஆழ்ந்த இரங்கலைத் தெரிவித்து வருகின்றனர்.