மிரட்டலான லுக்கில் விஜய் தேவரகொண்டா: 'ரணபாலி' டீசர் வெளியீடு!

தெலுங்கு திரையுலகின் முன்னணி நட்சத்திரமான விஜய் தேவரகொண்டா நடிக்கும் பிரம்மாண்ட வரலாற்றுச் பின்னணி கொண்ட திரைப்படமான 'ரணபாலி' திரைப்படத்தின் டீசர் அதிகாரப்பூர்வமாக வெளியாகி ரசிகர்களிடையே பெரும் வரவேற்பைப் பெற்று வருகிறது.

ராகுல் சாங்கிருத்யன் இயக்கத்தில் உருவாகும் இத்திரைப்படம், 1876-1878 காலகட்டத்தில் நடைபெற்ற சென்னை பஞ்சத்தின் போது ஆங்கிலேயர்களின் அடக்குமுறைக்கு எதிராகப் போராடிய ராயலசீமா நாயகன் 'சிங்கனமலா பொப்பிலி ரணபாலி' என்பவரின் கதையை மையமாகக் கொண்டு உருவாக்கப்பட்டுள்ளது.

நீண்ட தலைமுடி மற்றும் மீசையுடன் முற்றிலும் வித்தியாசமான, ஆக்ரோஷமான லுக் மற்றும் குதிரையேற்றக் காட்சிகளுடன் விஜய் தேவரகொண்டா மாஸ் காட்டியுள்ளார்.The Savage's Oath என்ற தலைப்பில் இந்த டீசர் வெளியாகியுள்ளது.

இப்படத்தில் கதாநாயகியாக ராஷ்மிகா மந்தனா 'ஜயம்மா' என்ற கதாபாத்திரத்தில் ஜோடி சேர்ந்துள்ளார். மேலும், 'தி மம்மி' திரைப்படப் புகழ் ஹாலிவுட் நடிகர் Arnold Vosloo இதில் முதன்மை வில்லனாக ஆங்கிலேய அதிகாரியாக நடித்துள்ளார்.

மைத்ரி மூவி மேக்கர்ஸ் தயாரிக்கும் இத்திரைப்படம் அக்டோபர் 16 அன்று தமிழ், தெலுங்கு, இந்தி, மலையாளம் மற்றும் கன்னடம் ஆகிய மொழிகளில் உலகம் முழுவதும் திரையரங்குகளில் வெளியாகவுள்ளது.

வரலாற்றுச் பின்னணியில் மிரட்டலான ஆக்‌ஷன் காட்சிகளுடன் உருவாகியுள்ள இத்தீசர், சமூக வலைதளங்களில் தற்சமயம் வைரலாகி வருகிறது!