அமெரிக்கா தாக்கினால் என்ன செய்வது?: 100 ஆண்டுகளுக்குப் பிறகு படையெடுப்பை எதிர்கொள்ளத் தயாராகும் கனடா!

கிட்டத்தட்ட 100 ஆண்டுகளுக்குப் பிறகு, தனது அண்டை நாடான அமெரிக்காவிடம் இருந்து வரும் அச்சுறுத்தல்களை எவ்வாறு கையாள்வது என்பது குறித்த ராணுவத் திட்டங்களை கனடாவின் பாதுகாப்புத் துறை மறுஆய்வு செய்யத் தொடங்கியுள்ளதாகத் தகவல்கள் வெளியாகியுள்ளன. வட அமெரிக்க கண்டத்தில் வர்த்தகம், எல்லை பாதுகாப்பு மற்றும் எல்லைக் கட்டுப்பாடுகள் குறித்த கொள்கை மோதல்கள் உச்சமடைந்து வரும் நிலையில் இந்நடவடிக்கை எடுக்கப்பட்டு வருகிறது.

கனடாவின் வளங்கள் மற்றும் ஆர்க்டிக் பகுதியின் மீதான அமெரிக்காவின் கவனம் அதிகரித்து வரும் சூழலில், தனது இறையாண்மையைப் பாதுகாக்கவும், சாத்தியமான அச்சுறுத்தல்களைத் தடுத்து நிறுத்தவும் அந்நாட்டு ராணுவம் தனது பாதுகாப்புப் படைகளை தயார் நிலையில் வைத்துள்ளது.

இரு நாடுகளுக்கும் இடையே நிலவும் இந்த எதிர்பாராத பதற்றமான சூழல், சர்வதேச அரசியலில் பெரும் பரபரப்பையும் உற்றுநோக்கலையும் ஏற்படுத்தியுள்ளது.