இரவில் நம்மைத் தூங்கவிடாமல் தடுப்பது எது? 'இரவு நேர மன அழுத்தத்திற்கு' முற்றுப்புள்ளி வைக்கும் வழிகாட்டி!

பகல் நேரத்தில் வேலை, உரையாடல்கள் மற்றும் பிற மனிதர்களின் நடமாட்டம் என மனம் பல்வேறு விஷயங்களில் பிஸியாக இருக்கும். ஆனால் இரவில் அமைதி நிலவும் போது, மூளை தனது நிலுவையில் உள்ள கவலைகள், நினைவுகள் மற்றும் எதிர்காலத்தைப் பற்றிய பயங்களை நோக்கித் தானாகவே கவனம் செலுத்துகிறது.

மாலை மற்றும் இரவு வேளைகளில் உடலில் மன அழுத்தத்தை ஏற்படுத்தும் 'கார்டிசோல்' (Cortisol) ஹார்மோனின் அளவிலும், தூக்கத்தைக் கட்டுப்படுத்தும் 'மெலடோனின்' (Melatonin) ஹார்மோனின் சுரப்பிலும் ஏற்படும் மாறுதல்கள் மனநிலையில் சட்டென்று மாற்றத்தை உண்டாக்குகின்றன.

தூக்கம் வராத போது கையடக்கத் தொலைபேசிகளைப் பயன்படுத்துவது மூளையை மேலும் விழிப்படையச் செய்கிறது. ஸ்மார்ட்போன்களில் இருந்து வரும் நீல வெளிச்சம் தூக்கத்தைக் கெடுப்பதுடன், சமூக வலைத்தளங்களில் பார்க்கும் செய்திகள் மன அழுத்தத்தை இரட்டிப்பாக்குகின்றன.

இரவில் நிம்மதியான தூக்கத்தைப் பெறவும், மனபாரத்தைக் குறைக்கவும் நிபுணர்கள் வழங்கும் சில எளிய ஆலோசனைகள்:

உறங்கச் செல்வதற்கு குறைந்தபட்சம் 1 மணி நேரத்திற்கு முன்பாகவே கையடக்கத் தொலைபேசிகள் மற்றும் தொலைக்காட்சிப் பயன்பாட்டைக் தவிர்க்க வேண்டும்.

இரவு நேரங்களில் மனதை அமைதிப்படுத்தும் மிதமான இசை அல்லது புத்தக வாசிப்பைப் பழக்கப்படுத்திக் கொள்ளலாம்.

படுக்கைக்குச் செல்வதற்கு முன் மிதமான சூடான நீரில் குளிப்பது அல்லது மூச்சுப் பயிற்சி (Breathing Exercise) செய்வது நரம்புகளை அமைதிப்படுத்தும்.

தொடர்ச்சியாகப் பல வாரங்களாக இரவு நேர மன அழுத்தமும் தூக்கமின்மையும் நீடித்தால், தாமதிக்காமல் மருத்துவ ஆலோசனையைப் பெறுவது அவசியமாகும்.