மக்கள் தீர்ப்பை ஏற்காதவர்கள் ஏன் அரசியலில் இருக்க வேண்டும்? - எதிர்க்கட்சிகளுக்கு தமிழக முதலமைச்சர் விஜய் கேள்வி!

மக்களின் தீர்ப்பை ஏற்காதவர்கள் ஏன் அரசியலில் இருக்க வேண்டும் என தமிழக முதலமைச்சர் விஜய் சட்டப்பேரவையில் எதிர்க்கட்சியினரைப் பார்த்து கேள்வி எழுப்பியுள்ளார்.

இன்றையதினம் கூடிய தமிழக சட்டப்பேரவையில் 2026 ஆம் ஆண்டிற்கான தமிழ்நாடு சம்பளங்கள் சட்ட திருத்த மசோதாவை முதலமைச்சர் விஜய் தாக்கல் செய்தார்.

இதனைத் தொடர்ந்து தமிழக காவல்துறை, மீட்பு பணிகள் துறை சார்ந்த மானிய கோரிக்கைகளின் மீதான விவாதங்களுக்கு தமிழக முதலமைச்சர் விஜய் பதிலுரை நிகழ்த்தினார்.

'' எதிர்க்கட்சிகள் போல் எனக்கு அரசியல் செய்ய விருப்பமில்லை. தமிழகத்தின் சட்டம், ஒழுங்கு நிலை குறித்து பேரவையில் எதிர்க்கட்சிகள் வைக்கும் கருத்தை கூட மக்கள் மீது அவர்களுக்குள்ள கவலையை வெளிப்படுத்துவதாகவே இந்த அரசு எடுத்துக் கொள்கிறது.

மேலும் சட்டப்பேரவையில் ஒரு எம்எல்ஏ 'எலும்பை உடைப்பேன்' என பேசியதை சுட்டிக்காட்டிய முதலமைச்சர் ,இவ்வளவு நாட்களாக இதே மக்கள் தான் இவர்களுக்கு ஓட்டு போட்டார்கள். இதை போல் பேசி பேசி தான் சட்டப்பேரவையில் இப்போது எதிர்க்கட்சி வரிசையில் இருக்கின்றனர் மக்கள் தீர்ப்பை ஏற்காதவர்கள் ஏன் அரசியலில் இருக்க வேண்டும். என காட்டமான கருத்துக்களையும் பதிவு செய்தார்.