சுவிட்சர்லாந்தில் குளிர்கால டயர்கள் கட்டாயமில்லை… ஆனால் கவனம் தேவை!

வெப்பநிலை குறைந்து வரும் நிலையில், அனைத்து காலநிலைகளுக்கும் ஏற்ற ஆல்-சீசன் டயர்களின் பயன்பாடு அதிகரித்து வருகிறது. ஆனால், நகர்ப்புறங்களில் குறைந்த தூரம் மட்டுமே பயணிப்பவர்களுக்கு இத்தகைய டயர்கள் பொருத்தமானவை என சுவிஸ் வாகன ஓட்டுநர் சங்கமான TCS தெரிவித்துள்ளது. மேலும், அந்த டயர்களில் குளிர்காலப் பயன்பாட்டை உறுதிப்படுத்தும் பனித்துளிச் சின்னம் இருக்க வேண்டும்.

மலைப்பகுதிகளுக்குச் செல்பவர்கள் மற்றும் பனிப்பொழிவு அதிகமுள்ள உயரமான பகுதிகளில் வசிப்பவர்கள் முறையான குளிர்கால டயர்களைப் பயன்படுத்துவது அவசியம் என அறிவுறுத்தப்பட்டுள்ளது.

தவறான டயர்களுடன் வாகனம் ஓட்டி விபத்து ஏற்பட்டால், காப்பீட்டு நிறுவனங்கள் முழுமையான இழப்பீட்டை வழங்க மறுக்கக்கூடும். எனவே, பாதுகாப்பில் சமரசம் செய்யாமல், பருவநிலைக்கு ஏற்ற டயர்களை மாற்றிப் பயன்படுத்துவதே சிறந்த நடைமுறை என வலியுறுத்தப்பட்டுள்ளது.