சுற்றுச்சூழல் மாற்றத்தால் பெரும் பேராபத்து: உலகளவில் குடிநீர் ஆதாரம் குறைந்து வருவதாக WMO எச்சரிப்பு!

இது குறித்து உலக வானிலை ஆய்வு மையம் வெளியிட்டுள்ள அறிக்கையில், கடந்த சில ஆண்டுகளாக உலகம் முழுவதும் பதிவாகி வரும் தீவிர காலநிலை மாற்றங்கள், நீர்வள அமைப்புகளைப் பெருமளவில் பாதித்துள்ளதாகச் சுட்டிக்காட்டப்பட்டுள்ளது. குறிப்பாக, பனிப்பாறைகள் உருகுவது விரைவுபட்டுள்ள போதிலும், ஆறுகள், ஏரிகள் மற்றும் நிலத்தடி நீர்மட்டம் ஆகியவை முன்னெப்போதும் இல்லாத வகையில் கணிசமாகக் குறைந்து வருகின்றன.

உலக மக்கள் தொகையில் கணிசமான பகுதியினர் ஏற்கனவே கடுமையான நீர்ப் பற்றாக்குறையை எதிர்கொண்டு வரும் நிலையில், இந்நிலை நீடித்தால் எதிர்காலத்தில் குடிநீர் விநியோகம், விவசாய உற்பத்தி மற்றும் நீர்மின் உற்பத்தி ஆகியவை மிகக் கடுமையாகப் பாதிக்கப்படும் அபாயம் உருவாகியுள்ளது.

எனவே, நீர்நிலைகளைப் பாதுகாக்கவும், நீர்வள நிர்வாகத்தை மேம்படுத்தவும் உலக நாடுகள் உடனடியாக ஒருங்கிணைந்த தீவிர நடவடிக்கைகளை எடுக்க வேண்டும் என உலக வானிலை ஆய்வு மையம் வலியுறுத்தியுள்ளது.