சுவிட்சர்லாந்தில் 27 லட்சம் ஓய்வூதியதாரர்களுக்கு டிசம்பரில் 13வது AHV ஓய்வூதியம்!

கூட்டாட்சி சமூகக் காப்பீட்டு அலுவலகத்தின் கணிப்பின்படி, சராசரியாக 1,580 சுவிஸ் பிராங்குகள் கூடுதல் தொகையாகக் கிடைக்கும். ஒருவரின் ஆண்டு ஓய்வூதியத் தொகையில் பன்னிரண்டில் ஒரு பங்கு இந்த 13வது ஓய்வூதியமாக வழங்கப்படும். அந்த ஆண்டில் ஓய்வு பெற்றவர்கள் மற்றும் குடும்பச் சூழலில் மாற்றங்களைச் சந்தித்தவர்களுக்கு வழங்கப்படும் தொகையில் மாறுபாடு இருக்கலாம்.

முக்கியமாக, இந்தக் கூடுதல் ஓய்வூதியத்தால் துணைப் பலன்கள் குறைக்கப்படாது என்றும், அவற்றைப் பெறுவதற்கான தகுதியிலும் பாதிப்பு ஏற்படாது என்றும் தெரிவிக்கப்பட்டுள்ளது. வெளிநாடுகளில் வசிக்கும் தகுதியுடைய சுவிஸ் குடிமக்கள் மற்றும் வெளிநாட்டினரும் இந்தத் தொகையைப் பெறலாம். இருப்பினும், 13வது ஓய்வூதியத்திற்கான நிதி ஒதுக்கீடு தொடர்பான விவாதங்கள் இன்னும் இறுதி செய்யப்படவில்லை.