2038 பாராலிம்பிக் : 200 மில்லியன் சுவிஸ் பிராங்குகள் நிதியுதவி வழங்க ஒப்புதல்

137க்கு 40 என்ற வாக்கு வித்தியாசத்தில் இந்தத் தீர்மானம் நிறைவேற்றப்பட்டது. போட்டிகள் பத்து மண்டலங்களில் பல்வேறு இடங்களில் பரவலாக நடத்தப்பட உள்ளன.

பாராலிம்பிக் போட்டிகளுக்கு 60 மில்லியன் பிராங்குகளும், பார்வையாளர்களின் பொதுப் போக்குவரத்துக்கான மானியமாக 50 மில்லியனும், ஏற்பாட்டுக் குழுவின் செலவுகளுக்கு 80 மில்லியனும், எதிர்பாராத செலவுகளுக்கு 10 மில்லியன் பிராங்குகளும் ஒதுக்கப்பட உள்ளன.

மொத்த போட்டிச் செலவு 2.2 பில்லியன் பிராங்குகளாக இருக்கும் என எதிர்பார்க்கப்படுகிறது. தேசிய மன்றம் நிலைத்தன்மை, வெளிப்படைத்தன்மை மற்றும் பொதுப் போக்குவரத்து உள்ளிட்ட பல நிபந்தனைகளையும் முன்வைத்துள்ளது.

2038 குளிர்கால ஒலிம்பிக் போட்டிகளுக்கான சுவிட்சர்லாந்தின் விண்ணப்பத்தை 2027 பிப்ரவரிக்குள் சர்வதேச ஒலிம்பிக் குழுவிடம் சமர்ப்பிக்க திட்டமிடப்பட்டுள்ளது. இதற்கிடையில், தேசிய அளவிலான பொது வாக்கெடுப்பு நடத்தும் முன்மொழிவு 106க்கு 78 என்ற வாக்கு வித்தியாசத்தில் நிராகரிக்கப்பட்டது.