சட்டம் அனைவருக்கும் சமமானது என்பதை உறுதிசெய்யவே 22ஆவது திருத்தம்: அமைச்சர் இராமலிங்கம் சந்திரசேகர் கருத்து!

இலங்கை நாட்டில் சட்டம் அனைவருக்கும் சமமாக நடைமுறைப்படுத்தப்படுவதையும், நீதித்துறையின் மீது மக்களுக்கு முழுமையான நம்பிக்கையை ஏற்படுத்துவதையும் நோக்கமாகக் கொண்டு 22ஆவது அரசியலமைப்புத் திருத்தச் சட்டமூலம் கொண்டுவரப்பட்டுள்ளதாக கடற்றொழில், நீரியல் மற்றும் கடல்வளங்கள் அமைச்சர் இராமலிங்கம் சந்திரசேகர் தெரிவித்துள்ளார்.

பாராளுமன்றத்தில் 22ஆவது அரசியலமைப்புத் திருத்தச் சட்டமூலம் தொடர்பான விவாதத்தில் கலந்துகொண்டு உரையாற்றியபோதே அமைச்சர் இதனைத் தெரிவித்துள்ளார்.

அங்கு மேலும் கருத்துத் தெரிவித்த அமைச்சர்,

“இன்று இலங்கையின் வரலாற்றில் ஒரு புதிய சகாப்தத்தை உருவாக்கக்கூடிய முக்கியமான தினமாகும். நாட்டில் சட்டம் இருந்தபோதிலும், அது அனைவருக்கும் சமமாக நடைமுறைப்படுத்தப்பட்டதா என்ற கேள்வி நீண்ட காலமாக எழுந்து வருகின்றது. நீதிமன்றங்கள் இருந்தாலும், அந்த நீதித்துறையின் மீது மக்களுக்கு முழுமையான நம்பிக்கை இருந்ததா என்பதும் கேள்விக்குறியாகவே காணப்பட்டது. என தெரிவித்தார்.