ஐரோப்பிய அளவில் 2வது இடம்: சுவிட்சர்லாந்தில் அதிகரிக்கும் மின்னல் அடர்த்தி!

ஐரோப்பிய கண்டத்திலேயே நிலப்பரப்பு அளவிற்கு ஏற்ப அதிக மின்னல் அடர்த்தி (Lightning Density) பதிவாகும் நாடுகளின் பட்டியலில் சுவிட்சர்லாந்து இரண்டாம் இடத்தை பிடித்துள்ளது.

சமீபத்திய வானிலை ஆய்வு அறிக்கையின்படி, சுவிட்சர்லாந்தில் ஒரு சதுர கிலோமீட்டருக்கு சராசரியாக 2.43 மின்னல்கள் வீழ்வது பதிவு செய்யப்பட்டுள்ளது. இந்த பட்டியலில் இத்தாலி முதலிடத்திலும், நெதர்லாந்து மற்றும் பெல்ஜியம் ஆகிய நாடுகள் அடுத்தடுத்த இடங்களிலும் உள்ளன.

 மலைப் பிரதேசமான சுவிட்சர்லாந்தின் ஆல்ப்ஸ் பகுதி மற்றும் வெப்பமண்டலக் காற்று வீசும் தென் பகுதிகள் மின்னல் மற்றும் இடி மின்னலுடன் கூடிய புயல்களால் அதிகம் பாதிக்கப்படுவதாக வானிலை மையங்கள் தெரிவிக்கின்றன.

 நடப்பு கோடைகாலத்தில் மட்டும் பல்லாயிரக்கணக்கான மின்னல்கள் பதிவாகியுள்ள நிலையில், பொதுமக்கள் இடி மின்னல் காலங்களில் தேவையான பாதுகாப்பு முன்னெச்சரிக்கை நடவடிக்கைகளை மேற்கொள்ளுமாறு அறிவுறுத்தப்படுகிறார்கள்.