மேட்டர்ஹார்ன் மலையில் பாறைகள் சரிந்ததால் விபத்து – மலையேறுபவர் உயிரிழப்பு!

செவ்வாய்க்கிழமை காலை 6 மணிக்குச் சற்றுப் பின்னர், இரண்டு மலையேறுபவர்கள் ஹோர்ன்லி முகடு வழியாக மேட்டர்ஹார்ன் சிகரத்தை நோக்கிச் சென்றுள்ளனர். அவர்கள் சுமார் 3,500 மீட்டர் உயரத்தில் இருந்தபோது, அருகில் பாறைகள் சரிந்துள்ளன. இதையடுத்து, அவர்களில் ஒருவர் தனது தோழரைப் பார்க்க முடியாமல் போனதால் உடனடியாக அவசர உதவிக்கான எச்சரிக்கையை எழுப்பியுள்ளார்.

தகவலறிந்த ஏர் செர்மாட் ஹெலிகாப்டர் மீட்புக் குழுவினர் சம்பவ இடத்திற்குச் சென்றனர். பின்னர், மலைப்பகுதியில் கண்டுபிடிக்கப்பட்ட மலையேறுபவர் உயிரிழந்ததை மீட்புக் குழுவினர் உறுதி செய்தனர். உயிரிழந்தவரின் அடையாளம் இன்னும் அதிகாரப்பூர்வமாக உறுதிப்படுத்தப்படவில்லை.

விபத்துக்கான சரியான காரணத்தைக் கண்டறிய அரசு வழக்கறிஞர் அலுவலகம் விசாரணையைத் தொடங்கியுள்ளது.