இலங்கைக்கு வந்தடைந்தது 3 தொன் காசநோய் எதிர்ப்பு மருந்துகள்!

இலங்கையின் பொது சுகாதார அமைப்பிற்கு ஆதரவளிக்கும் வகையில், 3 தொன் காசநோய் எதிர்ப்பு மருந்துகளை இந்தியா வழங்கி உள்ளது. இந்திய விமானப்படை விமானம் மூலம் இம்மருந்துகள் கொழும்புக்கு வந்தடைந்ததாக இந்திய வெளியுறவுத்துறை அமைச்சர் எஸ். ஜெய்சங்கர் தெரிவித்துள்ளார்.

இதற்கிடையில், டித்வா புயலால் சேதமடைந்த இலங்கையின் 14 பாலங்களை மறுசீரமைக்கச் சீனா நிதியுதவி வழங்குகிறது. இதற்கான புரிந்துணர்வு ஒப்பந்தம் இலங்கை போக்குவரத்து அமைச்சு செயலாளருக்கும், இலங்கைக்கான சீனத் தூதருக்கும் இடையே கையெழுத்தானது.