இலங்கை கிரிக்கெட் முன்னாள் தேர்வுக்குழு தலைவர் ரூ.7.5 கோடி வழக்கு

கடந்த 2025-ம் ஆண்டு டிசம்பர் 17-ம் தேதி, விளையாட்டுத்துறை அமைச்சரின் ஒப்புதலுடன் இரண்டு ஆண்டுகளுக்கான பதவியில் நியமிக்கப்பட்டதாகவும், ஆனால் தனது பதவி முன்கூட்டியே எந்தவித முன்னறிவிப்பும், போதிய காரணமும், உரிய நடைமுறையும் இன்றி நிறுத்தப்பட்டதாகவும் பிரமோத்ய தெரிவித்துள்ளார்.

ஒப்பந்தத்தை மீறியதால் ஏற்பட்ட வருமான இழப்பு, தொழில் வாய்ப்புகளை இழந்தது மற்றும் தனது தொழில்முறை நற்பெயருக்கு ஏற்பட்ட பாதிப்பு ஆகியவற்றுக்காக ரூ.7.5 கோடி இழப்பீட்டுடன், வட்டியும் சட்டச் செலவுகளும் வழங்க வேண்டும் என அவர் கோரியுள்ளார்.

இலங்கை கிரிக்கெட்டில் தனது முந்தைய பதவிக்காலத்தில் 2022 டி20 ஆசியக் கோப்பை வெற்றி, 2023 ஆசியக் கோப்பை இறுதிப்போட்டி மற்றும் 2023 உலகக்கோப்பை தகுதிச் சுற்றில் தோல்வியின்றி வெற்றி உள்ளிட்ட சாதனைகள் நிகழ்ந்ததாகவும் அவரது தரப்பில் தெரிவிக்கப்பட்டுள்ளது.