வடக்கு கென்யாவில் இடம்பெற்ற பயங்கர ஹெலிகாப்டர் விபத்தில் 7 பேர் பரிதாபமாக உயிரிழப்பு!

வடக்கு கென்யாவில் அமைந்துள்ள மார்சாபிட் (Marsabit) பகுதியில் சென்று கொண்டிருந்த ஹெலிகாப்டர் ஒன்று, எதிர்பாராதவிதமாகத் தரையில் விழுந்து நொறுங்கி விபத்துக்குள்ளானது. இந்தச் சோகமான சம்பவத்தில் பயணிகள் மற்றும் விமான ஊழியர்கள் உட்பட 7 பேர் சம்பவ இடத்திலேயே உயிரிழந்துள்ளனர்.

மோசமான வானிலை மற்றும் அடர்ந்த மூடுபனி காரணமாகப் பார்வைத் திறன் குறைந்ததே இந்த விபத்திற்குக் காரணம் எனக் முதற்கட்ட விசாரணையில் தெரியவந்துள்ளது.

விபத்து நடந்த இடம் கரடுமுரடான மலைப் பகுதி என்பதால், மீட்புக் குழுவினர் அங்குச் சென்றடைவதில் கடும் சிரமம் ஏற்பட்டது. தற்போது உடல்கள் மீட்கப்பட்டு பிரேதப் பரிசோதனைக்காக அனுப்பப்பட்டுள்ளன.

 தொழில்நுட்பக் கோளாறு ஏதேனும் ஏற்பட்டதா என்பது குறித்து கென்ய விமானப் போக்குவரத்துத் துறை அதிகாரிகள் மற்றும் காவல்துறையினர் தீவிர விசாரணை நடத்தி வருகின்றனர்.

இவ்விபத்து அப்பகுதியில் பெரும் சோகத்தை ஏற்படுத்தியுள்ளது.