ஜெம் வீரமணி மீது 8-வது வழக்குப்பதிவு – 5 பேருக்கு எதிராக லுக் அவுட் நோட்டீஸ் பிறப்பித்து அதிரடி!

சிறுமிக்கு பாலியல் தொல்லை அளித்த குற்றச்சாட்டின் கீழ் கைது செய்யப்பட்டுள்ள 'ஜெம் கிரானைட்ஸ்' நிறுவன அதிபர் 84 வயதான வீரமணி, தற்போது புழல் சிறையில் அடைக்கப்பட்டுள்ளார். 

இதுவரை பாதிக்கப்பட்ட 12 சிறுமிகள் அளித்த புகார்கள் மற்றும் வாக்குமூலங்களின் அடிப்படையில், சிறப்புப் புலனாய்வுக் குழு (SIT) விசாரணையைத் தீவிரப்படுத்தியுள்ளது.

இதன் தொடர்ச்சியாக தற்போது வீரமணி மீது 8-ஆவது வழக்கு பதிவு செய்யப்பட்டுள்ளது.  இந்த கொடூர சம்பவத்தில் வீரமணிக்கு உடந்தையாக இருந்ததாக அவரது வாகன ஓட்டுநர்கள், மேலாளர் சக்திவேல் மற்றும் நண்பர்கள் கைது செய்யப்பட்டுள்ள நிலையில், இவ்வழக்கில் தொடர்புடைய மேலும் 5 பேர் வெளிநாடு தப்பிச் செல்வதைத் தடுக்க நாட்டின் அனைத்து பன்னாட்டு விமான நிலையங்களுக்கும் லுக் அவுட் நோட்டீஸ் அனுப்பி வைக்கப்பட்டுள்ளது.