தனியார் பள்ளிகள் அனுமதி விவகாரத்தில் அதிரடி திருப்பம்: முன்னாள் அமைச்சர் அன்பில் மகேஷ் கைது!

முன்னதாக, இவ்வழக்கில் அவர் தாக்கல் செய்திருந்த முன்ஜாமீன் மனுவை சென்னை உயர் நீதிமன்றம் நிராகரித்திருந்த நிலையில், இந்த அதிரடி கைதாணை நடவடிக்கை இடம்பெற்றுள்ளது.

தனியார் பள்ளிகளுக்கு அனுமதி வழங்குவதற்காக நூறு கோடி ரூபாய்க்கும் அதிகமாகப் பணம் வசூலிக்கப்பட்டதாக எழுந்த புகாரைத் தொடர்ந்து, ஏற்கனவே மத்திய குற்றப்பிரிவு பொலிஸார் அவரது இல்லங்களில் சோதனை நடத்தியிருந்ததுடன், அண்மையில் அமலாக்கத்துறையும் பணமோசடி வழக்குப் பதிவு செய்து விசாரணை நடத்தி வந்தது குறிப்பிடத்தக்கது.

முன்னாள் அமைச்சர் அன்பில் மகேஷின் இந்தக் கைது நடவடிக்கை தமிழக அரசியல் களத்தில் பெரும் பரபரப்பையும் அதிர்வலைகளையும் ஏற்படுத்தியுள்ளது.