பிரபல சமையல் கலைஞர் பத்மஸ்ரீ செஃப் தாமு மறைவு!

உடல்நலக்குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டிருந்த அவர், தீவிர சிகிச்சைப் பலனின்றி உயிரிழந்ததாகத் தகவல்கள் தெரிவிக்கின்றன.

40 ஆண்டுகளுக்கும் மேலான சமையல் கலை அனுபவம் கொண்ட செஃப் தாமு, சமையல் துறையில் கின்னஸ் சாதனை படைத்ததுடன், ஓட்டல் மேனேஜ்மென்ட் துறையில் முனைவர் பட்டம் (Ph.D) பெற்ற முதல் இந்தியச் சமையல் கலைஞர் என்ற பெருமையையும் பெற்றவர்.

விஜய் தொலைக்காட்சியின் ‘குக் வித் கோமாளி’ நிகழ்ச்சியில் நடுவராகப் பங்கேற்று, தனது அன்பான நடத்தையாலும் நகைச்சுவையான பேச்சினாலும் உலகெங்கிலும் உள்ள தமிழ் மக்களின் நெஞ்சங்களில் நீங்கா இடம் பிடித்தார்.

இவரது கலைச் சேவையைப் பாராட்டி இந்திய அரசு 2025ஆம் ஆண்டு உயரிய பத்மஸ்ரீ விருது வழங்கி கௌரவித்திருந்தது.

செஃப் தாமுவின் மறைவுக்கு திரையுலகச் பிரபலங்கள், சமையல் கலைஞர்கள் மற்றும் ரசிகர்கள் தமது ஆழ்ந்த இரங்கல்களைத் தெரிவித்து வருகின்றனர்.